birma armiyesi 2020-yili ötküzülgen saylamning inawetsiz ikenlikige höküm qildi

birmada herbiy özgirish qozghap hakimiyetni ötküzüwalghan armiye, 2020-yili 8-noyabir ötküzülgen saylamning netijisining inawetsiz ikenlikige höküm qildi.

1680765
birma armiyesi 2020-yili ötküzülgen saylamning inawetsiz ikenlikige höküm qildi

türkiye awazi radiyosi xewiri: birmada herbiy hökümet 1-féwraldin kéyin qurghan birleshme saylam komitétining bashliqi séyin so 2020-yili ötküzülgen saylamda ang san suchining partiyesi «memliketlik démokratiye birleshmisi» ning saxtipezlik qilghanliqi toghrisidiki eyibleshlerni tekshürüshni axirlashturghanliqini élan qildi.

birleshme saylam komitétining bashliqi séyin so 11 milyondin artuq awazgha saxtipezlik qilinghanliqining éniqlanghanliqini bildürdi.

u saylamda adil bolmighan riqabet we saylamdin kéyinki awaz sanashlarda saxtipezlik qilinghanliqigha munasiwetlik eyibleshlerning jezmleshkenlikini eskertip: «erkin we adil bolmighan muhitta ötküzülgen 2020-yildiki saylamning netijisi emeldin qalduruldi» dédi.

emma u, yéngi saylamning qachan ötküzülidighanliqi toghrisida melumat bermidi.

birmada 2020-yili 8-noyabir ötküzülgen saylamda ang san suchining partiyesi parlaméntta 238 orungha, kéngesh palatasida 138 orunni qolgha keltürüp hökümetni teshkilligen idi.

birma armiyesi 2020-yili 8-noyabirdiki saylamda saxtipezlik qilinghanliqining ilgiri sürülüshi we dölet ichide jiddiychilik yüz bergendin kéyin, 1-féwral (2021) hakimiyetni ötküzüwalghan idi.



مۇناسىۋەتلىك خەۋەرلەر