афғанистан бихәтәрлик қисимлири бир наһийәниң контроллуқини талибандин қайтуруп алди

афғанистанда һөкүмәт армийә қисимлириниң бир наһийәниң контроллуқини талибандин қайтуруп алғанлиқи елан қилинди.

1680426
афғанистан бихәтәрлик қисимлири бир наһийәниң контроллуқини талибандин қайтуруп алди

түркийә авази радийоси хәвири: афғанистан дөләт мудапиә министирлиқиниң байанатида, бихәтәрлик қисимлириниң талибанниң контроллуқидики наһийәләрни қайтуруп елиш һәрикәтлириниң давамлишиватқанлиқи билдүрүлди.

байанатта, һәрбий һәрикәтләр нәтиҗисидә бәлх вилайитигә қарашлиқ кәлдәр наһийәсиниң талибандин қайтуруп елинғанлиқи, 20 талибан қораллиқ унсуриниң уҗуқтурулғанлиқи вә онлиған қораллиқ унсурниң йариланғанлиқи уқтурулди.

афғанистанниң тинчлиқ мусаписи ениқсизлиқини давамлаштурмақта. бихәтәрлик қисимлири билән талибан оттурисида шиддәтлик тоқунушларму үзлүксиз давамлашмақта.

талибан ийунниң ахирқи һәптисидә башлиған һуҗумларда, өзбекистан вә таҗикистан чеграсидики наһийәләрниң һәммисини дегүдәк игәлливалған иди.

талибан өзбекистанға тутушидиған әң муһим сода йоли хәйрәтан чегра еғизини икки тәрәптин қоршивалғандин кейин, ғәрбий җәнубта ғәзнә вилайитигә мәркәзләшкән иди.

талибан афғанистанда давамлиқ алға илгириләватқан  болуп, 8-ийулда иран чеграсидики ислам қәләсини вә 14-ийулда пакистан чеграсидики сипин болдак чегра еғизини игәлливалған иди.



مۇناسىۋەتلىك خەۋەرلەر