xitay: amérika munasiwetlerni qatmal haletke chüshürdi

xitay hökümiti amérikaning ikki dölet munasiwetlirini ayighi chiqmas qatmal haletke chüshürgenlikini bildürdi.

1680401
xitay: amérika munasiwetlerni qatmal haletke chüshürdi

türkiye awazi radiyosi xewiri: xitay muawin tashqi ishlar ministiri shi fing amérika muawin tashqi ishlar ministiri wéndy shérman (WendySherman) ning tyenjén shehiridiki ziyariti üstide toxtaldi.

u amérikaning ikki dölet munasiwetlirini ayighi chiqmas qatmal haletke chüshürüsh bilen eyiblep, amérikadin «intayin xata bolghan qarishini we xeterlik siyasitini özgertish» ni telep qildi.

u amérika pirézidénti jo baydin hökümitining xitayning tereqqiyatini kontrol astigha élishqa we basturushqa urunuwatqanliqini bildürdi.

u terepler otturisidiki munasiwetlerning éghir mesililerge duch kélishtiki asasiy sewebning, bezi amérikaliqlarning xitayni «xiyaliy düshmen» dep tonushi ikenlikini eskertip, xitayning ixtilapliq mesililerde öz pikrini saqlap qélish bilen birge, ortaq mesililerde söhbetlishishni ümid qilidighanliqini ilgiri sürdi.

xitay tashqi ishlar ministiri wang yi 24-iyul (2021) bir téléwiziye qanilining ziyaritini qobul qilghanda amérikani eyiblep, küchidin paydilinip bashqa döletlerge bésim qiliwatqanliqini éytqan idi.



مۇناسىۋەتلىك خەۋەرلەر