шинхуа агентлиқи хитайдики чоң кәлкүн апитидә аран 58 кишиниң өлгәнликини билдүрди

хитайниң хинән өлкисигә қарашлиқ чиңҗу шәһиридә қаттиқ йамғур кәлтүрүп чиқарған кәлкүн апитидә қаза қилғанлар саниниң 58 кә йәткәнлики билдүрүлмәктә.

1679774
шинхуа агентлиқи хитайдики чоң кәлкүн апитидә аран 58 кишиниң өлгәнликини билдүрди

түркийә авази радийоси хәвири: шинхуа агентлиқиниң хәвиригә асасланғанда, өлкә миқйасида 9 милйондин артуқ киши қаттиқ йамғурниң еғир тәсиригә учриған. тәхминән 1 милйон киши бихәтәр җайларға йөткилишкә мәҗбур болған.

апәттә 3800 дин артуқ өй йеқилип чүшкән  болуп, һайатидин айрилғанлар саниниң 58 гә йәткәнлики илгири сүрүлмәктә.

шинхуа агентлиқиниң билдүришичә, кәлкүн пәйда қилған орәкләрни җидди қутқузуш әтрәтлири вә әскәрләр қум халтиси билән толдурмақта вә кәлкүнниң тәсиригә учриған районларға йемәклик йардими давамлашмақта икән.

хинән өлкисидә 17-ийулдин буйан қәрәллик һалда йағқан қаттиқ йамғур 20-ийулда чоң кәлкүн апитини кәлтүрүп чиқарған иди.

җиңҗу шәһиридә пүтүн метро торини су бесип кәткән болуп, нурғун йолучилар метрода қапсилип қалған иди.

апәттә һайатидин айрилғанларниң сани әң ахирқи қетим 23-ийулда 56 дәп елан қилинған иди.



مۇناسىۋەتلىك خەۋەرلەر