amérikaning talibanning kontrolluqidiki rayonlargha hawadin hujum qilghanliqi ilgiri sürüldi

amérika armiyesining 21- 22- iyul künliri afghanistandiki talibanlarning kontrolluqidiki jaylargha az dégende töt qétim hawadin hujum qilghanliqi ilgiri sürüldi.

1679467
amérikaning talibanning kontrolluqidiki rayonlargha hawadin hujum qilghanliqi ilgiri sürüldi

türkiye awazi radiyosi xewiri: «washington pochtisi» gézitining ismini ashkarilashni xalimighan emeldarlarni menbe qilghan xewiride, amérika armiyesining 21- iyuldin 22- iyulghiche afghanistan armiyesini qollash meqsitide talibanlargha töt qétim hawadin hujum qilghanliqi otturigha qoyuldi.

mezkur hujumlarning talibanlar küchlük bolghan qendihar we qunduz wilayetlirige qaritlghanliqigha isharet qilinghan xewerde, hawadin yardem bérishni afghanistan armiyesining telep qilghanliqi qeyt qilindi.

xewerde, taliban bayanatchisining, hujumlarning dawamlishiwatqan tinchliq kélishimi söhbitining mezmunigha xilapliq ikenliki we uning «selbiy aqiwetlerni keltürüp chiqiridighanliqi» toghrisidiki sözliri neqil qilindi..

amérika dölet mudapie ministirliqi - péntagon bu hepte élan qilghan bayanatida, amérika armiyesining afghanistandin chékinishning texminen %95 etrapida tamamlanghanliqini bildürgen we afghanistanda peqet amérika elchixanisi we kabuldiki xelqara ayrodurumni qoghdash üchün 650 etrapida amérika eskirining qalidighanliqini uqturghanidi.

afghanistanning tinchliq musapisi turaqsizliqlarni bashtin kechürüwatqan mushu künlerde, afghanistan bixeterlik qisimliri bilen talibanlar otturisida shiddetlik toqunushlar dawamlashmaqta.

afghanistandiki 407 nahiyening 155 din köpreki talibanning qoligha ötüp ketti. talibanlar bolsa, kontrolluqidiki nahiye merkezliri  sanining 255 ikenlikini ilgiri sürmekte.

nöwette afghanistandiki 34 wilayet merkizining hemmisi döletning kontrolluqida .



مۇناسىۋەتلىك خەۋەرلەر