американиң талибанниң контроллуқидики районларға һавадин һуҗум қилғанлиқи илгири сүрүлди

америка армийәсиниң 21- 22- ийул күнлири афғанистандики талибанларниң контроллуқидики җайларға аз дегәндә төт қетим һавадин һуҗум қилғанлиқи илгири сүрүлди.

1679467
американиң талибанниң контроллуқидики районларға һавадин һуҗум қилғанлиқи илгири сүрүлди

түркийә авази радийоси хәвири: «вашингтон почтиси» гезитиниң исмини ашкарилашни халимиған әмәлдарларни мәнбә қилған хәвиридә, америка армийәсиниң 21- ийулдин 22- ийулғичә афғанистан армийәсини қоллаш мәқситидә талибанларға төт қетим һавадин һуҗум қилғанлиқи оттуриға қойулди.

мәзкур һуҗумларниң талибанлар күчлүк болған қәндиһар вә қундуз вилайәтлиригә қаритлғанлиқиға ишарәт қилинған хәвәрдә, һавадин йардәм беришни афғанистан армийәсиниң тәләп қилғанлиқи қәйт қилинди.

хәвәрдә, талибан байанатчисиниң, һуҗумларниң давамлишиватқан тинчлиқ келишими сөһбитиниң мәзмуниға хилаплиқ икәнлики вә униң «сәлбий ақивәтләрни кәлтүрүп чиқиридиғанлиқи» тоғрисидики сөзлири нәқил қилинди..

америка дөләт мудапиә министирлиқи - пентагон бу һәптә елан қилған байанатида, америка армийәсиниң афғанистандин чекинишниң тәхминән %95 әтрапида тамамланғанлиқини билдүргән вә афғанистанда пәқәт америка әлчиханиси вә кабулдики хәлқара айродурумни қоғдаш үчүн 650 әтрапида америка әскириниң қалидиғанлиқини уқтурғаниди.

афғанистанниң тинчлиқ мусаписи турақсизлиқларни баштин кәчүрүватқан мушу күнләрдә, афғанистан бихәтәрлик қисимлири билән талибанлар оттурисида шиддәтлик тоқунушлар давамлашмақта.

афғанистандики 407 наһийәниң 155 дин көпрәки талибанниң қолиға өтүп кәтти. талибанлар болса, контроллуқидики наһийә мәркәзлири  саниниң 255 икәнликини илгири сүрмәктә.

нөвәттә афғанистандики 34 вилайәт мәркизиниң һәммиси дөләтниң контроллуқида .



مۇناسىۋەتلىك خەۋەرلەر