еквадорда икки түрмидә йүз бәргән исйанда 21 адәм өлди

җәнубий америка дөлити еквадорда бирла вақитта икки түрмидә мәһбуслар арисида йүз бәргән исйанда 21 киши һайатидин айрилди, 35 киши йариланди.

1679170
еквадорда икки түрмидә йүз бәргән исйанда 21 адәм өлди

түркийә авази радийоси хәвири:  еквадорниң гайаквил вә котопаши шәһәрлиридики түрмиләрдә бирла вақитта гуруһлар оттурисида рәһбәрлик җедили сәвәбидин исйан чиқти.

сақчилар  тәсликтә контрол астиға алған исйанда 21 мәһбус һайатидин айрилди, 6 сақчини өз ичигә алған 35 адәм йариланди.

сақчилар җедәлниң зәһәрлик чекимлик ​​әткәсчилики шайкилири арисидики иттипақ тәшкил қилишниң нәтиҗиси икәнликини билдүрди.

игилинишичә, тәхминән 38 миң мәһбус вә тутқун қамалған еквадор түрмилиридә, гуруһлар арисидики вәқәләр бәзидә исйанларни кәлтүрүп чиқармақта икән.

дөләттә 2-айниң 24-күни 3 шәһәрдә бирла вақитта йүз бәргән исйанларда 80 мәһбус һайатидин айрилғаниди.



مۇناسىۋەتلىك خەۋەرلەر