süriye öktichiliri firansiyege naraziliq bildürdi

türkiye awazi radiyosi xewiri: süriye öktichi we inqilabchi küchler memliketlik birleshmisi, firansiye pirézidénti émanuél makronning bölgünchi térrorluq teshkilati p k k ning süriye gumashtisi p y d / y p g kontrolluqi astidiki atalmish «süriye démokratik kéngishi» ezaliri bilen körüshüshige naraziliq bildürdi.

süriye öktichilirining birleshme teshkilati bolghan süriye öktichi we inqilabchi küchler memliketlik birleshmisi, bölgünchi térrorluq teshkilati p k k ning qol astidiki atalmish ​​«süriye démokratik kéngishi» ezalirining firansiyede pirézidént makron bilen körüshüshige naraziliq bildürüp yazma bayanat élan qildi.

térorluq teshkilati y p g / p y d ning p k k bilen organik munasiwiti barliqi tekitlengen bayanatta: «firansiye pirézidéntining térrorchi p y d qoralliqliri heyiti bilen körüshüshi kishini échinduridu we endishige salidu. p y d bilen alaqe ornitishning yolini échish, térrorluq teshkilati p k k bilen biwasite munasiwet ornitishni élan qilish hésablinidu. bu militaristlar süriye xelqige qarshi mejburiy köchürüsh, nopus qurulmisini özgertish we bashqa her xil jinayetlerni sadir qildi. özini süriye xelqige mejburlap tangghan bu militaristlarni étirap qilish, süriyening zémin pütünlüki hoquqigha dexli qilish bolidu» dégen ibarilerge orun bérildi.