kanada bash ministiri trudu jamege bérip musulmanlarning héytini tebriklidi

kanada bash ministiri jastin trudo qurban héyt munasiwiti bilen tagh meschitige bérip, musulmanlarning héytini tebriklidi.

1678314
kanada bash ministiri trudu jamege bérip musulmanlarning héytini tebriklidi

türkiye awazi radiyosi xewiri: kanadaning ontario ölkisidiki eng chong meschitlerning biri bolghan tagh meschiti (Mountain Mosque) ge barghan bash ministir trudo jamaet teripidin alqish sadaliri ichide qarshi élindi.

nutqini «essalamu eleykum» dep bashlighan trudo, arqidin «héyt mubarek» dep musulmanlarning qurban héytini tebriklidi.

bu yerde jamaetke qisqila söz qilghan trudo, kanadadiki musulmanlar ammisi duch kéliwatqan öchmenlik we irqchiliq hujumlirini eyiblep: «bular qobul qilghili bolmaydighan dehshetlik hujumlardur» dédi.

u bu xil hujumlarning kanadada yüz bériwatqanliqigha ishinelmeywatqanliqini bildürüp: «kishiler étiqadliri bilen erkin yashiyalishi, meschitlerde ibadet qilalishi yaki kochida bixeter mangalishi lazim» dégenlerni qeyt qildi.

jastin trudo sözidin kéyin meschittiki musulmanlar bilen qol éliship körüshken halette süretke chüshti.


خەتكۈچ: #uyghurche , #musulman , #tebrik , #héyt , #kanada

مۇناسىۋەتلىك خەۋەرلەر