xitayda bayqalghan yéngi bir wirus bir kishining jénigha zamin boldi
xitayda bir mal doxturi «maymun B- BV » wirusi bilen yuqumlinip qaza qildi.
türkiye awazi radiyosi xewiri: shundaq qilip qilip xitayda «maymun B- BV » wirusi tüpeylidin tunji ölüm yüz bergen boldi.
«hindistan waqit géziti» ning xewirige asaslanghanda, xitayning paytexti béyjingda 53 yashliq mal doxturi köngli élishish we qusushtek biaramliq bashlinip, bir aydin kéyin qizitma we nérwa késellik alametlirinimu körsitshke bashlighan.
xitayning «CDC» heptilik xewer tor békitining bildürishiche, 53 yashliq mal doxturi mart éyining béshida ikki ölük maymunni tekshürgendin kéyin «maymun B- BV » wirusi bilen yuqumlanghan.
mal doxturi oxshimighan bir qanche doxturxanida dawalanghan bolsimu ünüm bermey 27-mayda qaza qilghan.
aprélning otturilirida bir guruppa tetqiqatchilar késellikke isim qoyush üchün bimardin omurtqa suyuqluqi, qan, burun suyuqlighi we plazma qatarliq ewrishkilerni alghan.
xitay döletlik wirusluq késelliklerning aldini élish we kontrol qilish institutigha ewetilgen ewrishkilerde, «RT-PCR» tekshürüshliri netijiside «BV» wirusi bayqalghan.
xitay dairliri qaza qilghan bimar bilen qoyuq alaqide bolghan barliq tughqanlirining sinaqlirining menpiy chiqqanliqini élan qilghan.
wirusning mal doxturliri, haywanatlarni asrash xadimliri we tejribixana tetqiqatchilirigha yuqush xewpi yuqiri ikenliki uqturulghan.
مۇناسىۋەتلىك خەۋەرلەر
misir tashqi ishlar ministiri türkiyede ziyarette bolidu
misir tashqi ishlar ministiri samih shükri hepte axirida türkiyede dölet ishliri ziyaritide bolidu.
