jo baydin aqsarayda angéla mérkél bilen körüshti

türkiye awazi radiyosi xewiri: amérika pirézidénti jo baydin aqsarayda gérmaniye bash ministiri angéla mérkél bilen körüshüp, shimaliy éqin – 2, rusiye bilen bolghan munasiwetler, afghanistandin chékinish musapisi, wuxen wirusi (kowid – 19) yuqumi we yer sharining issip kétishi qatarliq mesililer toghrisida sözleshti.

ikki rehberning uchrishishtin kéyin ötküzülgen muxbirlarni kütüwélish yighini jeryanida, baydin gérmaniyediki su apiti munasiwiti bilen mérkéldin hal soridi.

pirézidént baydin shimaliy éqin - 2 turuba yoli qurulushi toghrisida toxtilip: «rusiyening énérgiyeni qoral süpitide ishlitishige yol qoyulmasliqi kérek» dédi.

baydin kubadiki özgirishler heqqide toxtilip: «kommunizm meghlup bolghan sistéma, men sotsiyalizmnimu intayin paydiliq nerse dep qarimaymen. biz u yerdiki torgha chiqishni eslige keltürüshke yardem qilishni oylishiwatimiz» dédi.

u yene haytining herbiy yardem telipige isharet qilip: «küntertipimizde bu döletke esker ewetish yoq» dégenlerni qeyt qildi.

mérkél baydin pirézidéntliq wezipisini ötküzüwalghandin kéyin baydinni ziyaret qilghan tunji yawropa rehbiri bolup qaldi.

gérmaniye bash ministiri angéla mérkél eng axirqi qétim bash ministir süpitide amérikagha barghan boldi.