پاكىستاننىڭ 12- پىرېزىدېنتى مەمنۇن ھۈسەيىن ۋاپات بولدى

 تۈركىيە ئاۋازى رادىيوسى خەۋىرى: يەرلىك تاراتقۇلارنىڭ خەۋەر قىلىشىچە، ھۈسەيىننىڭ ئوغلى ئارسالان مەمنۇن دادىسىنىڭ كاراچىدا راك كېسىلى سەۋەبىدىن داۋالىنىۋاتقان دوختۇرخانىدا قازا قىلغانلىقىنى ئېلان قىلغان.

مەمنۇن ھۈسەيىن ھىندىستاننىڭ ئاگرا شەھىرىدە 1940-يىلى 23-نويابىردا تۇغۇلغان بولۇپ، ئۇ سىياسەتكە 1969-يىلى قەدەم قويغان ئىدى.

كەسپىي ھاياتىدا سىند ئۆلكىسىنىڭ ۋالىيلىقى قاتارلىق نۇرغۇن يۇقىرى دەرىجىلىك ۋەزىپىلەرنى ئۆتىگەن مەمنۇن ھۈسەيىن، 2013-يىلىدىن 2018 – يىلىغىچە پاكىستاننىڭ 12- نۆۋەتلىك پىرېزىدېنتى بولغان ئىدى.