خىتايدا تېخى 2018-يىلى ئىشقا كىرىشتۈرۈلگەن يېڭى مېھمانخانا بىناسى ئۆرۈلۈپ چۈشتى
خىتاينىڭ جياڭسۇ ئۆلكىسىگە قاراشلىق سۇجۇ شەھىرىدە بىر مېھمانخانا بىناسى ئۆرۈلۈپ چۈشۈپ، 8 كىشى قازا قىلدى.
1674456
تۈركىيە ئاۋازى رادىيوسى خەۋىرى: سۇجۇ شەھىرىدىكى مېھمانخانا بىناسى خارابىلىكى ئاستىدا قاپسىلىپ قالغانلارنى قۇتقۇزۇش خىزمەتلىرى داۋاملاشماقتا.
خىتاي جىددى ئەھۋاللارنى بىر تەرەپ قىلىش مىنىستىرلىقىنىڭ باياناتىغا ئاساسلانغاندا، ئىزدەپ قۇتقۇزۇش ئەترىتى رايونغا ئەۋەتىلگەن ۋە ھازىرغىچە 8 كىشىنىڭ جەسىتى تېپىلغان.
باياناتتا 14 كىشىنىڭ مېھمانخانا بىناسى خارابىلىكى ئاستىدىن قۇتقۇزۇۋېلىنغانلىقى لېكىن 9 كىشىدىن تېخچە خەۋەر يوقلۇقى ئۇقتۇرۇلدى.
54 ياتاقلىق مېھمانخانىنىڭ 2018-يىلى ئىشقا كىرىشتۈرۈلگەن يېڭى بىنا ئىكەنلىكى بىلدۈرۈلدى.
