американиң оттура асийаға һәрбий база қуруши районға пайдилиқму?

түркийә авази радийоси хәвири: русийә ташқи ишлар министири сергей лавров пайтәхт москвада судан ташқи ишлар министири мәрйәм садиқ әлмәһди билән көрүшкәндин кейин, ахбарат елан қилиш йиғини өткүзди.

у афғанистан мәсилиси үстидә тохтилип, американиң афғанистанға һуҗум қилиш үчүн, афғанистан әтрапида һәрбий қисимлирини орунлаштурушни тәләп қилғанлиқини тәкитлиди.

у: «американиң йеңи һәрбий базилирини оттура асийаға орунлаштурушни, район хәвпсизлкигә пайдилиқ дәп ойлимаймән» деди.

у чәт әл әскәрлириниң мустәқил дөләтләр бирләшмә гәвдисигә әза һәр қандақ бир дөләткә орунлишишини, мәзкур тәшкилатниң қарар қилиши керәкликини әскәртип: «һазирчә бу мәсилидә һечқандақ илтимас йоқ» деди.

у б д т хәвпсизлик кеңишиниң 2004-йилдин бери суданға йүргүзүп кәлгән ембарголар үстидә тохтилип, бу ембарголарниң әмәлдин қалдурулушини тәләп қилғанлиқлирини билдүрди.

у русийә билән судан оттурисида, суданда русийә һәрбий базиси қуруш тоғрисда түзүлгән келишим үстидә тохталғанда, думаниң мәзкур келишимни тәстиқлаш мусаписини башлиғанлиқини қәйт қилди.

у судан ташқи ишлар министири билән болған көрүшүштә, пәләстин, сүрийә вә ливийә мәсилилирини музакирә қилғанлиқлирини әскәртип, бу мәсилиләргә мунасивәтлик учришишларни б д т рамкисида давамлаштуруш тоғрисида пикир бирлики һасил қилғанлиқлирини билдүрди.