намайишчиларға қетилип кәткән бирма сақчилири сабиқ хизмәтдашлирини өзлирини қоллашқа чақирди

бермадики һәрбий сийасий өзгириштин кейин хизмитидин истепа берип, сийасий өзгиришкә қарши турғучиларни қоллашқа башлиған сақчилар, хизмәтдашлирини сийасий өзгиришкә қарши туруш күришини қоллаш арқилиқ хәлқниң йенида турушқа чақирди.

1672157
намайишчиларға қетилип кәткән бирма сақчилири сабиқ хизмәтдашлирини өзлирини қоллашқа чақирди

түркийә авази радийоси хәвири: берманиң кайаһ өлкисидә вәзипә өтигән вә 1- феврал сийасий өзгиришдин 10 күн кейин хизмитидин истепа берип сийасий өзгиришкә қарши турғучилар сепигә қошулған «җон» исимлик ​​сақчи хадими, б б с ниң соаллириға җаваб бәрди.

җон, сийасий өзгириштин бир нәччә күн кейин 19 йашлиқ бир қизниң сақчиларниң оқида қаза қилғанлиқидин хәвәр тепип, 40 сәпдеши билән бирликтә хизмитини ташлап қачқаниди.

исминиң «елизабет» икәнликини билдүргән йәнә бир қачқун сақчи болса, сийасий өзгириш йүз бәргән күндин башлап аилисидикиләрдин хәвәр алалмайватқанлиқини, аилисиниң бихәтәрликидин әнсирәйдиғанлиқини билдүрди.

сийасий өзгиришкә қарши сәптики йәнә бир сақчи тийинт, сақчилар һәрбий һакимийәтниң башқуруши астида туридиғанла болса, хәлқниң дүшмини дегән көз билән қарилидиғанлиқини тәкитлиди.

бирма армийәси өзигә йеқин сийасий гуруппиларниң 2020- йили 8- нойабир өткүзүлгән сайламда сахтипәзлик қилинғанлиқини илгири сүрүши вә дөләттә сийасий ихтилапларниң күчийиши билән, 2021 - йили 1- феврал һакимийәтни өткүзүвалған иди.

бирма армийәси йәнә, ташқи ишлар министири вә дөләтниң әмәлийәттики рәһбири аң сан сучи қатарлиқ һөкүмәт әмәлдарлирини һәмдә һакимийәт бешидики партийә мәсуллирини тутқун қилип, бир йиллиқ җиддий һаләт елан қилған иди.

берма армийәсиниң сийасий өзгиришкә қарши намайишчилар вә қозғилаңчи гуруппиларға қораллиқ арилишиши нәтиҗисидә, 897 адәм һайатидин айрилди, миңлиған намайишчилар қолға елинди.

дөләттә бир тәрәптә кәң көләмлик намайишлар давам қиливатқан болса, йәнә бир тәрәптә һәрбий сотларда йуқири дәриҗилик һөкүмәт әмәлдарлирини сотлаш давамлашмақта.


خەتكۈچ: #сақчи , #бирма

مۇناسىۋەتلىك خەۋەرلەر