dubeydiki jebel eli portida partlash yüz berdi
ereb birleshme xelipilikining dubey shehiridiki jebel eli portida yüz bergen shiddetlik partlash ot apiti peyda qildi.
türkiye awazi radyosi xewiri: sewebi téxi éniqlinalmighan partlashning porttiki paraxotlarning bir kontéynirida meydangha kelgenliki, weqede adem ölüsh yaki yarilinish ehwalining körülmigenliki bildürüldi.
partlashtin kéyin chiqqan ot nahayiti tézla kontrol astigha élindi. nöwette paraxot xadimlirining sowutush xizmetliri dawamlashmaqta.
jebel eli portida lenggerlengen paraxotta yüz bergen partlashni bezi kontéynirlardiki asan yanidighan maddilar keltürüp chiqarghan bolushi mumkin, dégen qarashlar otturigha qoyulushqa bashlidi.
portqa yéqin jaydiki bir qisim ahaliler partlashning tesiride binalirining tewrigenlikini bildürüshti.
ereb birleshme xelipilikining eng muhim portlirining biri bolghan jebel eli porti dubeyning sheher merkizige 30 kilomitir kélidu.
