filippinde chüshüp ketken ayropilanda jénidin ayrilghanlarning sani ashti

filippinning jenubigha jaylashqan sulu ishtatida bir herbiy ayropilanning yerge qonush jeryanida chüshüp kétishi netijiside, jénidin ayrilghanlarning 50 ke chiqqanliqi bildürüldi.

1670119
filippinde chüshüp ketken ayropilanda jénidin ayrilghanlarning sani ashti

türkiye awazi radiyosi xewiri: filippin armiyesi namida bayanat élan qilghan général édgard aréwalo weqede 49 kishining saq qalghanliqini, 47 herbiy xadimni öz ichige alghan 50 kishining jénidin ayrilghanliqini uqturdi.

bildürülishiche, mezkur ayropilan herbiy mektepte oqush püttürgenlerni xizmet ornigha apirish üchün uchqan bolup, chüshüp ketken yézidiki töt kishi yarilanghan.

üch uchquchi, besh ayropilan xadimi we 88 herbiy xadim bolup jemiy 96 kishi olturghan «C-130» tipliq herbiy ayropilan, tünügün (2021-yili 4-iyul) shu yer waqti 11:30 ötkende sulu ishtatigha qarashliq jolo ariligha qonush jeryanida nangkal yézisigha chüshüp ketken idi.

weqeni öz közi bilen körgüchiler, ayropilan yerge chüshüp kétishtin ilgiri nurghun eskerlerning ayropilandin sekrigenlikini éytqan idi.



مۇناسىۋەتلىك خەۋەرلەر