filippinda herbiy ayropilan chüshüp kétip, 17 kishi qaza qildi

türkiye awazi radiyosi xewiri: filippin dölet mudapie ministirliqi C-130 tipliq herbiy ayropilanda kem dégende 85 kishi barliqini, ayropilanning sulu wilayitige qarashliq jolo ariligha qonush jeryanida shu rayongha tewe patikul yézisi bangal kentide chüshüp ketkenlikini élan qildi.

dölet mudapie ministiri délfin lorénzana hazirgha qeder 40 kishining qutquzuwélinghanliqini, weqede kem dégende 17 kishining qaza qilghanliqini bildürdi.

lorénzana ayropilandikilerning 3 i uchquchi we 5 i kabinka xadimi, qalghanlarning bolsa herbiy xadimlar ikenlikini éytti.

armiye bash ishtab bashliqi général sirilito sobéjanamu bayanatida, «izdesh we qutquzush etretliri hayat qalghanlarni qutquzush üchün rayondiki xizmetlirini dawamlashturmaqta» dédi.

ayropilanning herbiy mektepni yéngi püttürgen oqughuchilarni wezipe ötesh ornigha yötkesh üchün kétiwatqanliqi bildürüldi.