угандада йүзлигән адәмгә сахта ваксина әмләнгәнлики паш болди
африқа дөлити угандада кәм дегәндә 800 кишигә сахта вухән вируси (ковид – 19) ваксиниси әмләнгәнлики оттуриға чиқти.
түркийә авази радийоси хәвири: мәзкур сахта ваксининиң 15-майдин 18-ийунғичә болған җәрйанда асаслиқи пайтәхт кампала әтрапидики хусусий дохтурханиларда әмләнгәнлики ениқланди.
бу тоғрида мәлумат бәргән сәһийә әмәлдари варрен намара: «майниң оттурилиридин тартип сахта ваксина әмләнгәнләрниң сани кәм дегәндә 800 гә йетиду. бу сахта мадда техиму көп адәмгә әмләнгән болуши мумкин» деди.
игилинишичә, һазирғичә бу вәқәгә четишлиқ икки киши қолға елинған, бир дохтур үстидин тутуш буйруқи чиқирилған.
уганда сәһийә министирлиқиниң санлиқ мәлуматлириға қариғанда, һазирға қәдәр бу дөләттә 79 миңдин артуқ вухән вируси бимари байқалған болуп, тәхминән 900 адәм вирус сәвәбидин қаза қилған. җәмий 843 миңдин артуқ адәмгә ваксина әмләнгән.
مۇناسىۋەتلىك خەۋەرلەر
полша: земинимизға йадро қораллирини орунлаштурушқа тәййармиз
полша өз земиниға йадро қораллирини орунлаштурушқа тәййар икәнликини билдүрди.
