amérika dölet mudapie ministiri gérmaniyelik kespdishi bilen körüshti
amérika qoshma ishtatliri dölet mudapie ministiri lloyd astin bilen gérmaniye dölet mudapie ministiri annégrét kramp – karrénbaér bir yerge jem bolup, ikki terep munasiwetliri we rayonluq mesililer heqqide muzakire élip bardi.
türkiye awazi radiyosi xewiri: amérika qoshma ishtatliri dölet mudapie ministirliqi teripidin élan qilinghan yazma bayanatta, dölet mudapie ministiri lloyd astinning, gérmaniye dölet mudapie ministiri annégrét kramp – karrénbaérni dölet mudapie ministirliqida kütüwalghanliqi, ikki ministirning, gérmaniye – amérika qoshma ishtatliri otturisidiki munasiwetler heqqide muzakire élip barghanliqi tekitlinip mundaq déyildi: «ministir astin bilen gérmaniye dölet mudapie ministiri annégrét kramp – karrénbaér, 4 – iyun küni chaqirilghan shimaliy atlantik ehdi teshkilati bashliqlar yighinida maqullanghan qararlarning ijra qilinishi mesiliside özara pikir almashturdi. her ikki ministir, amérika– gérmaniye herbiy hemkarliqidin sirt yene, hindi – tinch okyan rayonida amérika – gérmaniye hemkarliqini chongqurlashturushta bir - birige tayinish, teyyarliq xizmiti ishlesh we maharet yétildürüshning muhimliqini tekitlidi.»
