shimaliy koréye xitay bilen bolghan munasiwetlirini güllendürüshke tirishidighanliqini bildürdi
shimaliy koréye rehbiri kim jongun kowid – 19 yuqumi mezgilide iqtisadiy qiyinchiliqqa duch kelgen dölitining xitay bilen bolghan munasiwitini yaxshilashqa tirishidighanliqini bildürdi.
türkiye awazi radiyosi xewiri: shimaliy koréye merkizi axbarat agéntliqi — KCNA, kim jongunning xitay kompartiyesi qurulghanliqining 100 yilliqi munasiwiti bilen xitay dölet reisi shi jinpingni tebrikligenlikini xewer qildi.
xewerde körsitilishiche, kim jongun tebrik télégrammisida, özlirining döliti bilen xitay otturisidiki munasiwetlerni güllendürüsh üchün tirishchanliq körsitidighanliqigha isharet qilip: «shimaliy koréye ishchilar partiyesi, xitay kompartiyesi bilen bolghan qoyuq hemkarliqi bilen shimaliy koréye – xitay dostluqini dewrning telipi we ikki dölet xelqi arzu qiliwatqan yéngi istratégiyelik nuqtigha yetküzidu» dégenlerni qeyt qilghan.
xitay tashqi ishlar ministirliqi bayanatchisi wang winbin tünügünki bayanatida, béyjingning shimaliy koréyege yardem ewetishke teyyar ikenlikini bildürgen we ikki döletning qiyinchiliqqa yoluqqanda bir – birige yardem qilish enenisige ige ikenlikini tekitligenidi.
bayanatchi wang, zörür tépilghanda xitayning shimaliy koréyege yardem bérish mesilisini estayidil oylishidighanliqini eskertkenidi.
