iraqliq shie rehber amérikadin öch alidighanliqini bildürdi
iraqtiki «heshdushshebi» herikitige qarashliq «eshabi ehlilheq herikiti» ning rehbiri qeys hazali öch élish meqsitide amérika eskerlirini öltüridighanliqini éytip tehdid saldi.
türkiye awazi radiyosi xewiri: hazali bir téléwiziye qanilidiki sözi jeryanida, amérika qoshma ishtatlirining iraq - süriye chégrasidiki heshdushshebi eskerlirige qilghan hujumi toghrisida toxtilip: «amérika iraq xelqining qénining tökülmesliki mesilisige hörmet qilmaydighanliqini körsetti we özi biwasite qan töküsh arqiliq urushni yéngi bir nuqtigha kötürdi. yashlirimiz (hujumda qaza qilghanlar)ning qénining öchi ishghalchi qisimlar (amérika)gha qarashliq eskerlerning qénini töküsh arqiliq élinidu» dédi.
amérika heshdushshebige qaratqan hujumlirini dawamlashturghan teqdirde, özlirining buninggha inkas qayturidighanliqini bildürgen hazali, buning üchün zörür teyyarliq we pilanlirining barliqini éytti.
amérika armiyesi 27-iyun yekshenbe küni iraq-süriye chégrasidiki heshdushshebi qoralliqlirigha hawadin hujum qilip, töt qoralliq unsurning öltürülgenlikini uqturghanidi.
hujumda qaza qilghanlar üchün tünügün baghdadta simwol xaraktérlik depne murasimigha nurghun shie rehber ishtirak qilghanidi.
