ruhani baydinni yadro kélishimini ijra qilishqa chaqirdi
iran pirézidénti hesen ruhani amérika qoshma ishtatliri pirézidénti jo baydinni yadro kélishimini kéchiktürmestin ijra qilishqa chaqirdi.
türkiye awazi radiyosi xewiri: iran pirézidénti hesen ruhani paytext téhranda chaqirilghan ichki kabinét yighinidin kéyin yadro kélishimi we amérikaning bu heqtiki pozitsiyesi toghrisida toxtaldi.
ruhani amérika pirézidénti jo baydinni yadro kélishimini derhal ijra qilishqa chaqirip: «baydin yadro kélishimini ijra qilish jehette qilchilik bushangliq qilsa, öz xelqining tashlighan béletlirige xiyanet qilghan bolidu. chünki, ular mushuninggha tayinip bélet tashlidi, umu émbargolarni bikar qilish hemde sadir qilinghan xataliqlarni tüzitish üchün keldi. arqidin yadro kélishimini qobul qilidighanliqini qayta – qayta tekitlidi we uninggha qaytip kélidighanliqini éytti» dédi.
u, yadro kélishimining eslige keltürülüshi üchün hem amérika hem iran terepning tégishlik qedemlerni waqitni zaye qilmastin tashlishi kéreklikini otturigha qoydi.
iranning yadro qorali yaki ammiwi qirghinchiliq qorallirigha ige bolushning koyida emeslikini bildürgen ruhani, bashqa döletlerning buninggha alaqidar qarashlirining asassiz ikenlikini sözlirige ilawe qildi.
