kanadada qattiq issiq sewebidin bir künde 63 kishi qaza qildi

türkiye awazi radiyosi xewiri: surri, burnabéy we wankowér sheherliri bilen etrapida, qattiq issiq sewebidin bir künde 63 kishi qaza qildi.

saqchilar qaza qilghanlarning köpinchisining yashanghanlar ikenlikini élan qildi.

britaniye kolumbiye, albérta, yukon we gherbiy shimal rayonidiki issiq hawarayigha qarita mutexessisler «issiq gümbez» dep nam berdi.

yéqinqi 24 saet ichide rayonda tarixtiki eng yuqiri 103 issiqliq rékorti ruyxetke élindi.

yene bir tereptin, britaniye kolumbiye ölkisi miqyasida sheherlik hökümetler teripidin échilghan sowutush merkezliri issiq hawaning tesirige uchrighanlargha üzlüksiz mulazimet qilmaqta.

sowutush merkezlirige kelgenlerge toluqlash suyuqluqi bérilish bilen birge, saghlamliq mesilisi barlar üchün sehiye etriti chaqirilmaqta.

ölkidiki réstoranlar, parche sétish dukanliri we bir qisim mektepler issiq sewebidin taqaldi.

kowid-19 yuqumi waksinasi emleydighan kliniklarmu waksina emlesh waqtini kéchiktürüshke bashlidi.