firansiye armiyesi we dölet mudapie ministirliqi qoral etkeschilikige chétildi
firansiye, armiye we dölet mudapie ministirliqimu chétishliq qoral etkeschiliki setchilikidin tewrenmekte.
türkiye awazi radiyosi xewiri:firansiye saqchiliri keng kölemlik qoral etkeschiliki tekshürüshini bashlighan. tekshürüsh dairiside, zeher chékimlik etkeschilirige we ongchil teshkilatlargha sétilmaqchi bolghan 200 din artuq qoral qolgha chüshürülgen.
firansiye «Mediapart» gézitining xewirige asaslanghanda, qoral etkeschiliki guruppisining ichide, firansiyening üch neper herbiy ofitséri bolup, ularning ikkisi pinsiyege chiqqan. firansiye dölet mudapie ministiri filorénsiye parlining on béshi shopurimu gurruppa ezasi bolup chiqqan.
qorallinish, qoral saqlash we bashqilargha yötkesh shundaqla jinayi teshkilatlargha eza bolush bilen eyiblengen herbiy shopurning 2020-yili 7-ayda qoral etkeschiliki setchiliki ashkarlinishtin 6 ay burun ministirlikke kirgenliki we ministirgha hemrah bolup bezi sayahetlerge qatnashqanliqi ashkarilanghan.
qoral etkeschilikige chétishliq birsining dölet mudapie ministirliqining bixeterlik tekshürüshidin qandaq ötkenliki soralghan xewerde, ministirliqning 2020-yili yazda piraktikant kinishkisi bar bir herbiy shopur teyinleshni oylashqanliqi, emma bu qarardin waz kéchilgenliki otturigha qoyulghan.
dölet mudapie ministirliqi bolsa, bu eyibleshler toghrisida bayanat élan qilip, mesilining edliye organlirigha tapshurulghanliqini we dölet mudapie ministirining shopurining xizmettin toxtitilghanliqini bildürgen.
