donald tramp jo baydinni «xitaygha bash egdi» dep eyiblidi
amérikaning sabiq pirézidénti donald tramp aqsaraydin ayrilghandin kéyinki tunji yighilishida, aldinqi qétimliq saylamda bélet sanashqa alaqidar weqeler üstide toxtaldi we jo baydin bilen partiyesining siyasitini tenqid qildi.
türkiye awazi radiyosi xewiri: oxéo ishtatining wéllington shehiride minglighan kishige xitab qilghan donalda tramp, 2020-yili noyabirda ötküzülgen saylamdiki meghlubiyitige bélet sanashtiki hiyle – mikirlerning seweb bolghanliqini qayta tekitlep: «biz ikki qétim saylamda ghelibe qilduq, üchinchi qétim ghelibe qilishimiz kérekliktek qilidu. bu mumkin» dédi.
sabiq pirézidént sözide, döletning jenubiy chégrasidin ötüp amérikagha kelgen köchmenler sanining éshishigha hemmining diqqitini tartti.
tramp: «dölitimizge kelgen milyonlighan insan bar. biz ularning kim ikenlikinimu bilmeymiz, jo baydin bizning qilghanlirimizning del eksini qiliwatidu» dédi.
tramp amérika pirézidénti jo baydinni xitaygha bash igish bilen eyiblep, namayan qilghan iqtidarining dunya sehniside nomusluq halda ikenlikini éytti.
donald tramp yighilishta qayta saylinidighan yaki saylanmaydighanliqi toghrisida éniq ipade bildürmidi. jumhuriyetchiler partiyesining amérika kéngesh palatasi we awam palatasida köp sanliqni qayta eslige keltüreleydighanliqi toghrisida saylighuchilargha righbet béridighan sözlerni qildi.
donald tramp: «biz awam palatasi, kéngesh palatasi we amérikani qayturuwalimiz. buni pat yéqinda qilimiz» dédi.
