taliban faryabning ikki nahiyesini qolgha kirgüzüwaldi

afghanistanning faryab wilayitide ikki nahiyening kontrolluqi talibanning qoligha ötti.

1664655
taliban faryabning ikki nahiyesini qolgha kirgüzüwaldi

türkiye awazi radiyosi xewiri: faryab parlamént ezasi babur qemal axbarat élan qilish yighinida, taliban qoralliq küchlirining faryabning qaramqol, qorghan we andxoy nahiyelirige hujum qilghanliqini bildürdi.

u hujum netijiside qaramqol we qorghan nahiyelirining talibanning kontrolluqigha ötkenlikini eskertip, andxoy nahiyesi etrapida toqunushlarning dawamlishiwatqanliqini qeyt qildi.

u xewpsizlik mesullirining bu mesilide muhim tirishchanliqlarni körsetmigenlikini ilgiri sürdi.

talibanning bayanatida, hujum netijiside, qaramqol, qorghan we andxoy nahiyelirining pütünley kontrol astigha élinghanliqi bildürüldi.

tünügün (2021-yili 24-iyun) faryab wilayitining gurziwan nahiyesi talibanning qoligha ötüp ketken idi.

afghanistan dölet mudapie ministirliqi toqquz wilayette talibangha qarshi bashlanghan herbiy heriketlerde, 129 taliban qoralliq unsurining öltürülgenlikini, 35 ining yarilanghanliqini we partlashqa teyyar bolghan 31 bombining bir terep qilinghanliqini élan qildi.

ministirliqning bu heqtiki bayanatida yene, herbiy heriket netijiside, bir qanche nahiyening talibandin qayturuwélinghanliqi eskertildi.

afghanistanning köp qisimlirida xewpsizlik qisimliri bilen taliban otturisidiki qoralliq küresh dawamlishiwatqan bolup, 407 nahiyening 200 de toqunushlar dawam qilmaqta.



مۇناسىۋەتلىك خەۋەرلەر