16 – nöwetlik süriye muzakiriliri qazaqistanda ötküzülidu
«kowid – 19» yuqumi sewebidin kéchiktürülgen «süriye» témiliq astana muzakiriliri 7 – 8 – iyul künliri qazaqistanning paytexti nursultan shehiride ötküzülidu.
türkiye awazi radiyosi xewiri: qazaqistan tashqi ishlar ministirliqining bildürüshiche, muzakirilerge, kapaletchi döletler türkiye, iran we rusiyedin sirt yene, süriyedin beshsher esed hakimiyiti we herbiy öktichilerning wekillirimu qatnishidiken.
muzakirilerge, birleshken döletler teshkilatining alahide wekili, iyordaniye, liwan we iraqmu közütküchi süpitide ishtirak qilidiken.
igilinishiche, süriyening nöwettiki weziyiti, insanperwerlik yardem buyumlirining yetküzüp bérilishi, jenwediki süriye asasiy qanun komitéti paaliyetlirining qaytidin bashlitilishi, tutqun almashuturush, görüge éliwélinghanlarning qoyup bérilishi we yoqap ketkenlerning sürüshte qilinishi qatarliq ishenchni ashurush tedbirlirimu, muzakirilerde asasliq küntertip maddiliri bolidiken.
