amérikaning afghanistandin chékinish pilanida özgirish yoq

aqsaray bayanatchisi jén psaki amérikaning afghanistandin 2021-yili 11-séntebirgiche pütünley chékinish pilanida özgirish yoqluqini élan qildi.

1663788
amérikaning afghanistandin chékinish pilanida özgirish yoq

türkiye awazi radiyosi xewiri: aqsaray bayanatchisi jén psaki kündilik axbarat élan qilish yighinida, amérika dölet mudapie ministirliqining afghanistandin herbiy qisimlirini chékindürüsh musapisigha mesul ikenlikini eskertip: «biz mezkur musapide herbiy xadimlirimizning bixeterlikini kapaletke ige qilidighanliqimizdin we ünümlük yollar bilen chékinidighanliqimizdin xatirjem halda ilgirilewatimiz» dédi.

u talibanning rayondiki amérika eskerlirige qaritilghan hujumlirida köp éshish bolghanliqini közitiwatqanliqlirini eskertip: «afghanistanning buningdin burunqi haliti bizning tallishimiz emes idi» dédi.

amérika pirézidénti jo baydin 25-iyun (2021) afghanistan pirézidénti eshref ghéni bilen körüshidighanliqini bildürüp: «afghanistandin 11-séntebirghiche pütünley chékinish pilanimizda özgirish yoq» dédi.



مۇناسىۋەتلىك خەۋەرلەر