rusiye ayropilani engliye paraxotigha oq chiqardi

rusiye ayropilani qaradéngizda chégragha xilapliq qilinghanliqini seweb körsitip engliyening herbiy paraxotigha agahlandurush oqi chiqardi.

1663529
rusiye ayropilani engliye paraxotigha oq chiqardi

türkiye awazi radiyosi xewiri: rusiye dölet mudapie ministirliqi qaradéngizda engliye herbiy paraxotining agahlandurulup oq étilghanliqi toghrisida bayanat élan qildi.

bayanatta, engliyening «Defender» namliq urush paraxotining, rusiye teripidin qanunsiz halda qoshuwélinghan qirimning gherbiy jenubigha jaylashqan felengkte chégragha xilapliq qilghanliqi ilgiri sürüldi.

bu sewebtin «Su-24M» ayropilanining kökke kötürülgenliki eskertilgen bayanatta: «chégralarni qoghdawatqan rusiye paraxoti shu yer waqti 12:06 we 12:08 de engliye paraxotigha agahlandurush oqi atti. ‹Su-24M› ayropilani toqquz minuttin kéyin ‹Defender› paraxotining linyesige agahlandurup bomba atti» déyildi.

bayanatta, rusiyening qaradéngiz floti we rusiye fédératsiye xewpsizlik idarisigha qarashliq chégra muhapizet qisimlirining ortaq heriket qilishi bilen, engliye paraxotining chégradin yiraqlashqanliqini we weqege munasiwetlik engliyening moskwa elchixanisidiki munasiwetlik mesulning rusiye tashqi ishlar ministirliqigha chaqirilghanliqi qeyt qilindi.



مۇناسىۋەتلىك خەۋەرلەر