йәмәндә 26 һусий әзаси өлтүрүлди

йәмән армийәси вә сәуди әрәбистан башчилиқидики әрәб иттипақдаш күчлири билән иран қоллаватқан һусийлар оттурисида йүз бәргән шиддәтлик тоқунушларда 26 һусий әзаси өлтүрүлди.

1662591
йәмәндә 26 һусий әзаси өлтүрүлди

түркийә авази радийоси хәвири: йәмән армийәсигә қарашлиқ 3 – һәрбий район ахбарат васитилири мәркизи тәрипидин елан қилинған йазма байанатта билдүрүлүшичә, һусийлар мәғриб шәһириниң ғәрбидики сарваһ йезисида йәмән армийәсиниң контроллуқидики нуқтиларға һуҗум қилған.

тәрәпләр оттурисида йүз бәргән тоқунушта 26 һусий әзаси өлтүрүлгән.

йәнә бир тәрәптин, һусийларға қарашлиқ «‹әлмәсирә› телевизийәси» ниң хәвәр қилишичә, йәмән армийәси вә сәуди әрәбистан башчилиқидики әрәб иттипақдаш күчлиригә аит уруш айропиланлири, мәғрибниң сарваһ йезисини уда 24 қетим бомбардиман қилған, рагван вә мәдгал йезилириғиму 5 қетим һуҗум қилған.

мәғриб шәһиридә шиддәтлик тоқунушлар давамлишиватқан бир пәйттә, йәмән баш министири муин абдулмәлик, бирләшкән дөләтләр тәшкилати вә хәлқара җәмийәткә болған чақириқта, иранға қарши үнүмлүк тәдбирләрниң қоллинишини тәләп қилған.

йәмән агентлиқиниң хәвәр қилишичә, абдулмәлик, иранни йәмәндики урушниң давамлаштурулушида чиң туруш билән әйиблигән.



مۇناسىۋەتلىك خەۋەرلەر