америка хитайни агаһландурди

америка хитайни «ковид – 19» йуқуминиң оттуриға чиқиш сәвәблири һәққидә һәқиқий тәкшүрүшкә рухсәт қилмиған тәқдирдәö хәлқаралиқ йетим қалдуруш җазасиға дуч келидиғанлиқи тоғрулуқ агаһландурди.

1662081
америка хитайни агаһландурди

түркийә авази радийоси хәвири: америка дөләт хәвпсизлик ишлири мәслиһәтчиси җак сулливан, хитай «ковид – 19» йуқуминиң кәң тарқилип кетиш сәвәблири һәққидә һәқиқий тәкшүрүшкә рухсәт қилмиған тәқдирдә, хәлқара йетим қалдуруш җазасиға учрайдиғанлиқи тоғрулуқ хитайни агаһландурди.

америка таратқулириниң хәвәр қилишичә, америка қошма иштатлири дөләт хәвпсизлик ишлири мәслиһәтчиси җак сулливан, һазирқи әһвал астида хитайға қарши тәһдит йаки ултиматом елан қилмайдиғанлиқлирини, қилишқа тегишлик ишлириниң, хәлқара җәмийәтниң қоллишини қолға кәлтүрүшни давамлаштуруш икәнликини әскәрткән.

хитайниң мәсулийәтлирини ада қилмиған тәқдирдә, буниңға қарши қандақ җаваб қайтуруш мәсилисини көздин кәчүридиғанлиқлирини тәкитлигән сулливан, мундақ дәп көрсәткән: «буни иттипақдашлар вә шерикләр билән мас қәдәмдә әмәлгә ашуримиз.»

у йәнә, хитай «ковид – 19» йуқуминиң келип чиқиш мәнбәсини тәкшүрүш мәсилисидә һәмкарлиқ орнатмиған тәқдирдә, хитайниң хәлқара җәмийәтниң йетим қалдуруш җазасиға дуч келидиғанлиқиниму сөзлиригә илавә қилған.



مۇناسىۋەتلىك خەۋەرلەر