түркийә қизилай җәмийити билән мисир қизилай җәмийити ғәззәгә бирликтә йардәм қилиду

түркийә авази радийоси хәвири: кәрәм киник мисир қизилай җәмийити билән ғәззәгә қилинидиған йардәм вә буниңдин кейинки инсанпәрвәрлик йардәм буйумлири үчүнму музакирилишиватқанлиқини билдүрүп, « мисир қизилай җәмийити билән рәфаһ чегра еғизи вә у йәрдики портларниң очуқ тутулушиға даир келишим һасил қилдуқ» деди.

мисир қизилай җәмийити билән бирликтә ғәззәгә қарита инсанпәрвәрлик йардәм паалийәтлирини қаһирәдә давамлаштуруватқанлиқлирини байан қилған кәрәм киник, һазирғичә әвәтилгән дора, тиббий буйумлардин башқа йәнә, қуруқ йемәклик, тазилиқ әслиһәлири вәкийим-кечәк қатарлиқ инсанпәрвәрлик йардәм буйумлириниму йәткүзүп бериш хизмитини башлиғанлиқлирини тилға алди.

кәрәм киник мисир қизилай җәмийити билән бирликтә тәййарлиған 10 йүк аптомобилида лиқ инсанпәрвәрлик йардәм буйумлириниң ғәззәгә қарап йолға чиқиш алдида турғанлиқини уқтурди.

йардәмниң 21 килогирам йишикләргә қачиланған, җәмий 2 миң тонна материйалдин тәркиб тапқанлиқини тилға алған кәрәм киник, бу йишикләрниң бир аилиниң бир айлиқ асаслиқ еһтийаҗини қамдаш үчүн тәййарланғанлиқини ейтти.

кәрәм киник йәнә,  тиббий буйумлар, кийим-кечәк, тазилиқ әслиһәлири вә дөләт маарип министирлиқи ианә қилған ойунчуқ, дәптәр -қәләм қатарлиқ оқуш материйаллириниңму районға әвәтилидиғанлиқини билдүрди.

кәрәм кеник ғәрбий қирғақта вә исраилийә тәрәптин ғәззәгә әвәтилидиған материйаллар үчүнму музакириләрниң давамлишиватқанлиқи үстидә тохтилип, исраилийәниңму бу мәсилигә иҗабий җаваб қайтурғанлиқини билдүрди.