ким җоңун йемәклик қәһәтчилики йүз беридиғанлиқи һәққидә агаһландуруш елан қилди

шималий корейә рәһбири ким җоңун дөләтниң йемәклик әһвалиниң «кишини әндишигә салидиған дәриҗидә икәнлики» һәққидә агаһландуруш елан қилди.

1659110
ким җоңун йемәклик қәһәтчилики йүз беридиғанлиқи һәққидә агаһландуруш елан қилди

түркийә авази радийоси хәвири: шималий корейә рәсмий агентлиқи «KCNA» ниң хәвәр қилишичә, һакимийәт бешидики ишчилар партийәси мәркизи комитетиниң түнүгүнки омумий йиғинида ким җоңун сөз қилип, шималий корейәниң нөвәттики хәлқара вәзийәткә қандақ тақабил туриши керәклики һәққидә хәлқара җамаәтчиликкә музакирә чақириқи елан қилған.

ким җоңун чақириқида, америка вә җәнубтики қошнисини очуқ тилға алмиған.

ким җоңун ковид-19 йуқуми даирисидә йолға қойулған чәклимиләрниң вә 2020-йили бойичә йүз бәргән кәлкүн апәтлириниң иқтисадқа еғир тәсир көрсәткәнликини тәкитләп, йемәклик қәһәтчилики йүз беридиғанлиқи һәққидә агаһландуруш елан қилди.

ким җоңун дөләтниң йемәклик вәзийитиниң кишини әндишигә салидиған дәриҗидә икәнликини ейтти вә даириләрни тәдбир қоллинип йеза игилик ишләпчиқиришини ашурушқа чақирди.

ким җоңун буниңдин башқа йәнә, иқтисадий қийинчилиққа қаримай, тәдбир характерлиқ чәклмиләрни давамлиқ йолға қойудиғанлиқини тилға алди.



مۇناسىۋەتلىك خەۋەرلەر