baydin: erdoghan bilen ötküzgen uchrishishimiz ijabiy we ünümlük boldi

türkiye awazi radiyosi xewiri: jumhur reis erdoghan amérikaliq mensepdéshi baydin bilen shimaliy atlantik okyan ehdi teshkilati – nato bashliqlar yighini ramkisi dairiside bélgyening paytexti biryussélda körüshti.

baydin uchrishishtin kéyin ötküzgen muxbirlarni kütüwélish yighinida erdoghan bilen ötküzgen yighini toghrisida toxtilip: «köp qismi ayrim ötküzülgen yighin ijabiy we ünümlük boldi» dégenlerni qeyt qildi.

erdoghan bilen ötküzgen uchrishishida, nurghun mesililerde qandaq ilgirilesh hasil qilinidighanliqi mesilisining muhakime qilinghanliqini bildürgen baydin: «xadimlirimiz uchrishishlarni dawamlashturidu, türkiye bilen amérika qoshma ishtatliri otturisida heqiqiy ilgirileshni qolgha keltüridighanliqimizgha ishinimen» dédi.