muhemmed el menfi: türkiye bilen bolghan munasiwetlerni tereqqiy qildurush intayin muhim
liwiye pirézidéntliq kéngishi reisi muhemmed el menfi türkiye bilen bolghan munasiwetlerni tereqqiy qildurushning muhimliqini tekitlidi.
türkiye awazi radiyosi xewiri: liwiye pirézidéntliq kéngishi axbarat ishxanisi teripidin élan qilinghan bayanatta, muhemmed el menfining tünügün liwiyede ziyarette bolghan tashqi ishlar ministiri mewlut chawushoghlu bashchiliqidiki heyet bilen paytext tiripolida körüshkenliki bildürüldi.
uchrishishta türkiye bilen liwiye otturisidiki tarixiy munasiwetlerning chongqurluqigha hemmining diqqiti tartilghanliqi eskertildi.
bayanatta, muhemmed el menfining enqere bilen hemkarliq pursetliri we özara munasiwetlerni tereqqiy qildurushning muhimliqini tekitligenliki, mewlut chawushoghluning muhemmed el menfige jumhur reis rejep tayyip erdoghanning salamini yetküzüp, türkiyening dawamliq liwiyening ittipaqliqi we muqimliqini qollighanliqini bildürgenliki tekitlendi.
mewlut chawushoghlu bashchiliqidiki heyet tünügün liwiye prézidéntliq kéngishi reisi muhemmed el menfi, liwiye milliy ittipaqliq hökümiti (MBH) bash ministiri abdul hemid dibeybe we liwiye pirézidént kéngishi ezaliridin abdulla el-lafi we musa el-koni bilen körüshkendin kéyin memliketke qaytqan idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
