birma armiyesining 10 eskiri öltürülgen
birmada 2021-yili 1-féwral yüz bergen herbiy özgirishtin buyan, xewpsizlik küchlirining qoralliq basturushi netijiside jénidin ayrilghanlarning sani 860 qa chiqti.
türkiye awazi radiyosi xewiri: birma siyasiy tutqunlargha yardem teshkilatining doklatida bildürülishiche, yéqinqi 24 saette yene ikki kishi jénidin ayrilghan. herbiy özgirish bashlanghan 1-féwraldin buyan jemiy jénidin ayrilghanlar sani 860 qa, tutqun qilinghanlar sani 4 ming 804 ke chiqqan. 1 ming 936 kishi üstide qolgha élish qarari chiqirilghan.
sagaying ishtatida heriket qiliwatqan we herbiy özgirishke qarshi chiqqan étnik guruppilardin kani xelq qoghdinish küchi bilen birma armiyesi otturisida 9-iyun (2021) yüz bergen toqunushlarda, 10 eskerning ölgenliki ilgiri sürüldi. weqeni öz közi bilen körgen bir kishi kimlikini ashkarilimastin «The Irrawaddy» gézitining ziyaritini qobul qilip, isyanchilarning kani nahiyesidiki monywa-kaléwa tashyolida, birma armiyesining 70 eskiri aptomobil bilen ötüwatqanda pistirmigha chüshürgenlikini éytqan.
toqunushlarda 10 eskerning ölgenlikini ilgiri sürgen guwahchi, eng az dégende 10 eskerning yarilanghanliqini bildürgen.
birma herbiy dairiliri bu weqeni toghrilaydighan héchqandaq bayanat élan qilmidi.
birma armiyesi 2020-yili 8-noyabir ötküzülgen saylamlarda saxtipezlik qilinghanliqining otturigha qoyulushi we dölette siyasiy weziyetning keskinleshkenlikini ilgiri sürüp, 1-féwral (2021) hakimiyetni ötküzüwalghan idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
