amérika kabuldiki hamid karzay xelqara ayrodromining bixeterlikini türkiyege ötküzüp bermekchi

amérika dölet mudapie ministirliqi bayanatchisi jon kirbay amérika chékingendin kéyin, afghanistanning paytexti kabuldiki hamid karzay xelqara ayrodromining bixeterliki üchün türkiye bilen muzakirilishiwatqanliqini éytti.

1655397
amérika kabuldiki hamid karzay xelqara ayrodromining bixeterlikini türkiyege ötküzüp bermekchi

türkiye awazi radiyosi xewiri: kündilik muxbirlarni kütüwélish yighinida türkiye dölet mudapie ministiri xulusi aqarning «shertler orundalghan teqdirde, türkiye kabul hamid karzay xelqara ayrodromining bixeterlikige kapaletlik qilalaydu» dégen sözige alaqidar soalgha jawab bergen amérika dölet mudapie ministirliqi bayanatchisi jon kirbay, bu bayanattin xewersiz ikenlikini, lékin türkiye bilen bu mesile toghrisida söhbetlerning dawamlishiwatqanliqini bildürdi.

jon kirbay, «türkiye rehberliri bilen ayrodromnng bixeterlikini üstige élish pilani toghrisida dawamlishiwatqan söhbetlirimiz bar. ochuq qilip éytqanda, bu jumhur reis erdoghan bérishqa tégishlik bir qarar. biz buninggha hörmet qilimiz. emma elwette biz deslepki söhbetlirimizni élip barduq , ilgiri éytqinimizdek, ayrodromning bixeterliki, qandaq ehwalda bolushidin qetiynezer , amérika üchünla emes, öz nöwitide yene, bashqa döletler üchünmu kabuldiki diplomatik mewjutluqini dawamlashturalishi üchün intayin muhim » dédi.

ministir xulusi aqar seyshenbe künidiki bayanatida, amérika emeldarliri bilen afghanistan mesiliside muzakirileshkenlikini  bildürüp, «biz shertlerge asasen afghanistanda qélishni oylaymiz. bizning shertlirimiz néme? siyasiy, maliye we arqa sep teminati. bular ishqa ashurulghan teqdirde, biz hamid karzay xelqara ayrodromida qalsaq bolidu» dégen idi.

amérika pirézidénti jo baydin 11-séntebir xatire künige qeder barliq amérika eskerlirini afghanistandin chékindürüshke buyruq chüshürgen idi.

amérika merkizi qisimlar (CENTCOM) qomandanliq orginining sanliq melumatlirigha asaslanghanda, chékinish %50 tamamlanghan.


خەتكۈچ: #kabul , #türkiye , #amérika

مۇناسىۋەتلىك خەۋەرلەر