beshshar esed hakimiyiti küchliri idlib yézilirigha hujum qildi

türkiye awazi radiyosi xewiri: süriyede beshshar esed hakimiyiti we iranning qollishi astidiki térrorist guruppilarning idlib jiddiychilikni peseytish rayonidiki idlib yézisigha qilghan hujumida alte puqra jénidin ayrildi, 13 puqra yarilandi.

süriye puqralar qoghdinish teshkilatidin élinghan melumatlarda körsitilishiche, beshshar esed küchliri idlibning jenubigha jaylashqan idlib yézisigha, top-zembirekler bilen hujum qilghan. hujumda, bir ayalni öz ichige alghan alte puqra jénidin ayrilghan.

yarilanghan 13 puqraning etraptiki doxturxanilarda dawalash astigha élinghanliqi, ulardin üchining ehwalining éghir ikenliki eskertildi.

süriye öktichilirining ayropilan közitish öyi rusiye ayropilanlirining etigende idlibning jenubigha jaylashqan mozara, belyum, fattira we keferawid yézilirini bombardiman qilghanliqini élan qildi.

2020-yili 5-mart rusiye paytexti moskwada, türkiye-rusiye urush toxtitish kélishimi tüzülgen idi.

beshshar esed hakimiyiti pat-pat xilapliq qiliwatqan bolsimu, urush toxtitish chong kölemde qoghdalmaqta. 2017-yilidin 2020-yilighiche bolghan mezgilde texminen 2 milyon kishi rusiye we beshshar esed küchlirining hujumi sewebidin türkiye chégrasigha yéqin bolghan rayonlargha köchüshke mejbur boldi.