ruhani: pirézidéntliq saylimi musapiside naheqchilikler yüz berdi

türkiye awazi radiyosi xewiri: iran pirézidénti hesen ruhani 18- iyun dölitide ötküzülidighan 13- nöwetlik pirézidéntliq saylimigha qarap ilgirilewatqan musapide «nurghun adaletsizliklerning sadir qilinghanliqi» ni otturigha qoyup: «jamaet pikiri we xelqning saylamgha qatnishishini mesxire qilsaq bolmaydu» dédi.

ruhani paytext téhranda échilghan ministirlar yighinidin kéyin söz qilip, pirézidéntliq saylimi we kandidatlarning tenqidliri toghrisida toxtaldi.

pirézidént kandidatlirining hökümetke qaratqan tenqidlirige qattiq naraziliq bildürgen ruhani: «epsuki, mushu künlerde exlaq mesilisi éghir zerbige uchridi. pakitlar burmilandi. saylam muhim, emma uningdinmu muhimi exlaqtur» dégenlerni qeyt qildi.

ruhani kandidatlarning ret qilinishi we uningdin kéyin otturigha chiqqan özgirishlernimu tenqid qilip: «saylamda nurghun adaletsizlikler yüz berdi. bu saylamdiki eng éghir naheqchilik hakimiyetning özidur, jamaet pikiri we kishilerning saylamgha ishtirak qilishini mesxire qilalmaymiz. biz xelqni heqiqiy yosunda saylamgha teklip qilishimiz kérek. rehberlik (iran diniy dahiysi ayetullah eli xameniy) kandidatlarning testiqlinishi mesiliside adaletsizlik bolghanliqini we buning ornining toldurulushini telep qildi. buning ornining toldurulghan – toldurulmighanliqi bashqa bir mesile» dégenlerni sözlirige ilawe qildi.