ئەسەد كۈچلىرى بىلەن ئۇنىڭ قوللىغۇچىلىرى ئىدلىبتا ئۇرۇش توختىتىش كېلىشىمىگە خىلاپلىق قىلدى

تۈركىيە ئاۋازى رادىيوسى خەۋىرى: ئەسەد ھاكىمىيىتى كۈچلىرى بىلەن ئۇنىڭ قوللىغۇسى ئىراننىڭ كونتروللۇقى ئاستىدىكى تېررورچى گۇرۇپپىلار، سۈرىيەنىڭ ئىدلىب جىددىيچىلىكنى پەسكۇيغا چۈشۈرۈش رايونىدىكى ئۇرۇش توختىتىشقا خىلاپلىق قىلىپ، پۇقرالار ئولتۇراق رايونلىرىغا ھۇجۇم قىلدى، ۋەقەدە بىر كىچىك بالا قازا قىلدى.

ئىدلىب ۋىلايىتىنىڭ شەرقىي جەنۇبىغا جايلاشقان مەئەررەتۇننۇئمان ناھىيەسىدىكى ئەسەد ھاكىمىيىتى كۈچلىرى، ئىدلىبنىڭ جەنۇبىدىكى M4  تاش يولى بويىدىكى بارە، ئىھسام، بەيلۇن ۋە كەنسەفرا يېزىلىرىغا قۇرۇقلۇقتىن ھۇجۇم قىلىش ئارقىلىق ئۇرۇش توختىتىش كېلىشىمىگە خىلاپلىق قىلدى.

ھۇجۇملاردا بىر كىچىك بالا قازا قىلدى، يەنە بىر بالا يارىلاندى.