gérmaniye we girétsiye taratquliri türkiyening qoralliq uchquchisiz hawa apparatlirini maxtidi
gérmaniye we girétsiye taratquliri türkiyening qoralliq uchquchisiz hawa apparatlirining muweppeqiyetlirige yuqiri baha berdi.
türkiye awazi radiyosi xewiri: gérmaniyede chiqidighan «‹dé wélt› géziti» (Die Welt), «türkiyening iqtidari yuqiri qoralliq uchquchisiz hawa apparatliri éksportta muhim rol oynimaqta» serlewhilik xewiride, türkiyening qoralliq uchquchisiz hawa apparatlirigha yuqiri baha berdi.
gézitning xewiride, shimaliy atlantik ehdi teshkilati ezasi polshaning türkiyedin 24 dane qoralliq uchquchisiz hawa apparati zakaz qilghanliqi eskertildi, hemde türkiyening qoralliq uchquchisiz hawa apparatlirining ilghar téxnologiyelik üskünilerge ige ikenliki tekitlinip mundaq déyildi: «amérika qoshma ishtatliri bilen israiliyening ornini türkiye almaqta.»
gézit, téximu köp döletning türkiyening tunji we milliy « Bayraktar TB2» namliq qoralliq uchquchisiz hawa apparatini sétiwélishni xalaydighanliqini alahide tekitlidi.
girétsiye taratqulirimu, öz saheside «eng ilghar qoralliq uchquchisiz hawa apparatliri» qataridin orun alghan türkiyening « Bayraktar TB2» namliq qoralliq uchquchisiz hawa apparatining ilgharliqini, buning, iraqning shimaliy qismi, süriye we qarabaghda ispatlanghanliqini tekitlidi, hemde türkiyening bu sayida öz chégraliridimu téximu küchlük döletke aylanghanliqini analiz qildi.
girétsiyediki yene bir xewerler tori bolsa, «türkiyening qoralliq uchquchisiz hawa apparatliri némishqa bunchilik sétiliwatidu» serlewhilik xewiride, türkiyening qoralliq uchquchisiz hawa apparatlirining sinaqtin muweppeqiyetlik ötkenliki we hemme jayda yuqiri bahagha érishiwatqanliqi tekitlendi.
مۇناسىۋەتلىك خەۋەرلەر
ganada yüz bergen qatnash weqeside 20 adem qaza qildi
gananing oti wilayitide aptobus bilen minibus soqulup kétip 20 adem hayatidin ayrildi.
iyordaniye shiwéytsiyediki ighwagerchilikni eyiblidi
iyordaniye shiwéytsiyening malmo shehiride quran kerimni köydürüsh qilmishini eyiblidi.
