بايدىن بىلەن ستولتېنبېرگ ئورتاق مۇداپىئە، ئافغانىستان ۋە خىتاي مەسىلىلىرى توغرىسىدا سۆزلەشتى
ئامېرىكا پىرېزىدېنتى جو بايدىن 14 - ئىيۇن بېلگىيەنىڭ پايتەختى بىريۇسسېلدا ئۆتكۈزۈلىدىغان شىمالىي ئاتلانتىك ئەھدى تەشكىلاتى — ناتو باشلىقلار يىغىنىدىن ئىلگىرى، ناتو باش كاتىپى يېنس ستولتېنبېرگنى ئاقسارايدا كۈتۈۋالدى.
1653686
تۈركىيە ئاۋازى رادىيوسى خەۋىرى: ئاقساراي باياناتچىسى جېن پساكى يازما بايانات ئېلان قىلىپ، بايدىننىڭ ناتونىڭ بىخەتەرلىك ۋە دېموكراتىك قىممەت قاراشلارنى قوغداشتا قولغا كەلتۈرگەن ئۇتۇقلىرىنى داۋاملاشتۇرۇش ئۈچۈن ئىتتىپاقداشلىرى بىلەن يېقىندىن ھەمكارلىشىش ئىرادىسىنى ئوتتۇرىغا قويغانلىقىنى ئەسكەرتىپ: «بايدىن بىلەن ستولتېنبېرگ ئىستراتېگىيەلىك رىقابەت ۋە كىلىمات ئۆزگىرىشى، تور ھۇجۇملىرى قاتارلىق خەلقئارالىق تەھدىتلەرگە قارشى تۇرۇشتا ئىتتىپاقنىڭ ئۆزئارا ماسلىشىشنى ئىشقا ئاشۇرۇشى ئۈچۈن، ناتونىڭ 2030 – يىللىق پىلانىنىڭ مۇھىم ئىكەنلىكى قارىشىدا بىردەكلىك ھاسىل قىلدى» دېدى.