нигерийәдә тивиттер чәклимисигә хилаплиқ қилғанларни сотқа тартиш қарар қилинди

әдлийә министирлиқиниң байанатчиси өмәр җибрилу гвандо елан қилған йазма байанатида, әдлийә министири вә баш тәптиш әбубәкир маламиниң федератип һөкүмәт йолға қойған тивиттер чәклимисигә хилаплиқ қилғанларни сотлашни буйриғанлиқини билдүрди.

1653057
нигерийәдә тивиттер чәклимисигә хилаплиқ қилғанларни сотқа тартиш қарар қилинди

түркийә авази радийоси хәвири: малами сотқа тартиш қарариниң тез иҗра қилиниши үчүн нигерийә учур - алақә комитети шундақла нигерийә алақә вә дигитал иқтисад министирлиқи билән өзара һәмкарлишидиғанлиқини әскәртти.

нигерийә пирезиденти муһәммәд бухари дөләтниң шәрқий җәнубидики аммиви биналарға һуҗум қилған йаш топилаңчилар һәққидә 1 -ийун тивиттер һесабида елан қилған байанатида, 1967-йилдин 1970-йилғичә болған арилиқта дөләттә 1 милйон кишиниң қаза қилишиға савәб болған ички урушни әскәртип, «биз бу саһәдә 30 ай күрәш қилдуқ, уларға чүшинидиған тил билән муамилә қилимиз» дегән иди.

тивиттер бухариниң бу йазмисини өчүрүп ташлап, һесабини тоңлитип қойған иди.

бу вәқәдин кейин, нигерийә һөкүмити 4- ийунда тивиттерниң дөләттики барлиқ паалийәтлирини иккинчи буйруқ кәлгәнгә қәдәр тохтатқанлиқини елан қилған иди.



مۇناسىۋەتلىك خەۋەرلەر