liwiye «parizh kilimat özgirishi kélishimi» ni imzalashni qarar qildi

liwiye bash ministiri abdulhamit dibeybe hökümetning «parizh kilimat özgirishi kélishimi» ni imzalashni qarar qilghanliqini jakarlidi.

1653017
liwiye «parizh kilimat özgirishi kélishimi» ni imzalashni qarar qildi

türkiye awazi radiyosi xewiri: liwiye dölet téléwiziyesining xewiride, bash ministir dibeybe paytext tiripolida dunya muhit asirash küni munasiwiti bilen ötküzülgen ir murasimgha qatniship: «liwiye parizh kilimat özgirishi kélishimini imzalimighan az sandiki döletlerning biri. memliketlik birleshme hökümiti bügün ghurur we mesuliyetchanliq bilen mezkur kélishimni imzalashni qarar qildi» dégenliki bildürüldi.

liwiye bash ministiri dibeybe kilimat özgirishi kélishimining nurghun döletlerge sélishturghanda kéyin qobul qilinghanliqini eskertip, kélishimning testiqlinishi üchün parlaméntqa ewetilidighanliqini eskertti.

u liwiyening dunya muhit mesililirige köngül bölidighanliqini tekitlep: «dunyaning ékologiyelik sistéma we tebiiy bayliqlar üstide barghanséri éshiwatqan bésim toghrisidiki endishelirini ortaqlishimiz» dédi.

u yer sharining issip kétishige cheklime qoyush we muwapiq chekte kontrol qilishtin ibaret nishangha yétish üchün, b d t kilimat özgirishi ramka kélishimi we parizh kilimat özgirishi kélishimi arqiliq emelge ashurulidighan özara hemkarliqlarning ehmiyetlik ikenlikini bildürdi.

u liwiyening kilimat we jughrapiyelik orni sewebidin kilimat özgirishining selbiy tesirlirige uchrighan döletlerdin biri ikenlikini qeyt qildi.



مۇناسىۋەتلىك خەۋەرلەر