ливийә «париж килимат өзгириши келишими» ни имзалашни қарар қилди

ливийә баш министири абдулһамит дибәйбә һөкүмәтниң «париж килимат өзгириши келишими» ни имзалашни қарар қилғанлиқини җакарлиди.

1653017
ливийә «париж килимат өзгириши келишими» ни имзалашни қарар қилди

түркийә авази радийоси хәвири: ливийә дөләт телевизийәсиниң хәвиридә, баш министир дибәйбә пайтәхт тириполида дунйа муһит асираш күни мунасивити билән өткүзүлгән ир мурасимға қатнишип: «ливийә париж килимат өзгириши келишимини имзалимиған аз сандики дөләтләрниң бири. мәмликәтлик бирләшмә һөкүмити бүгүн ғурур вә мәсулийәтчанлиқ билән мәзкур келишимни имзалашни қарар қилди» дегәнлики билдүрүлди.

ливийә баш министири дибәйбә килимат өзгириши келишиминиң нурғун дөләтләргә селиштурғанда кейин қобул қилинғанлиқини әскәртип, келишимниң тәстиқлиниши үчүн парламентқа әвәтилидиғанлиқини әскәртти.

у ливийәниң дунйа муһит мәсилилиригә көңүл бөлидиғанлиқини тәкитләп: «дунйаниң екологийәлик система вә тәбиий байлиқлар үстидә барғансери ешиватқан бесим тоғрисидики әндишәлирини ортақлишимиз» деди.

у йәр шариниң иссип кетишигә чәклимә қойуш вә мувапиқ чәктә контрол қилиштин ибарәт нишанға йетиш үчүн, б д т килимат өзгириши рамка келишими вә париж килимат өзгириши келишими арқилиқ әмәлгә ашурулидиған өзара һәмкарлиқларниң әһмийәтлик икәнликини билдүрди.

у ливийәниң килимат вә җуғрапийәлик орни сәвәбидин килимат өзгиришиниң сәлбий тәсирлиригә учриған дөләтләрдин бири икәнликини қәйт қилди.



مۇناسىۋەتلىك خەۋەرلەر