нигерийәдә қораллиқ һуҗум қилиш вәқәси йүз бәрди

нигерийәниң замфара өлкисидә йүз бәргән қораллиқ унсурлар һуҗумида 12 деһқан қаза қилди.

1652216
нигерийәдә қораллиқ һуҗум қилиш вәқәси йүз бәрди

түркийә авази радийоси хәвири: нигерийә таратқулириниң хәвәрлиригә қариғанда, һазирғичә кимлики ениқлиналмиған қораллиқ унсурлар замфара өлкисиниң гусав районидики деһқанлар етизда ишләватқанда һуҗум қилған؛ һуҗумда 12 деһқан җенидин айрилған, 10 адәм йариланған.

райондики сақчи идариси байанатчиси муһәммә шәху һазирғичә вәқә тоғрисида байанат елан қилмиди.

пирезидент муһәммәд бухари бихәтәрлик мәсилисини нәзәрдә тутуп, өлкини һава қатниши чәкләнгән район дәп елан қилған вә райондики кан ечиш паалийәтлирини мәни қилғаниди.

замфара өлкиси бәш йилдин буйан чарвичилиқ билән шуғуллинидиған фуланилар билән деһқанчилиқ билән шуғуллинидиған бәзи қәбилиләр оттурисидики зораванлиқ вәқәлиригә сәһнә болуп кәлмәктә.

чарвилирини отлишиш үчүн дөләтниң җәнубиға көчкән фуланилар, деһқанларниң һайванлирини оғрилимақчи болғанлиқини вә уларға һуҗум қилғанлиқини илгири сүрмәктә.


خەتكۈچ: #нигерийә

مۇناسىۋەتلىك خەۋەرلەر