birmada herbiy hakimiyetke qarshi chiqquchilar puqraliq qanuni toghrisida wede berdi

türkiye awazi radiyosi xewiri: birma herbiy hakimiyitige qarshi qurlghan «xelq hökümiti» taratqularda hembehirligen bayanatta, döletlik birleshme hökümiti arakan musulmanlirigha ijra qilinidighan siyasetlerge chüshenche berdi.

arakanliq musulmanlar duch kelgen zorawanliqlar we zulumlar tilgha élinghan bayanatta: «zörür tépilsa, xelqara jinayi ishlar sot mehkimisige rohingayaliqlar we bashqa étnik az sanliq milletlerge qarshi ötküzülgen insaniyetke xilap jinayetler toghrisida erz sunimiz» déyildi.

yéngi asasiy qanun teyyarlanghanda, 1982-yili chiqirilghan puqraliq qanunining özgertilip, téximu keng dairilik puqraliq éniqlimisi bérilidighanliqi tekitlengen bayanatta: «yéngi qanunlarda birma puqraliqi, dölet chégrasida tughulghan yaki dölet sirtida birma puqralirining perzenti bolup tughulghan kishilerni öz ichige alidu. rohingaliqlar fédératsiye démokratik pirinsiplar we kishilik hoquq pirinsipliri ramkisida puqraliq hoquqigha ige» déyildi.

birmada 1-féwral (2021) yüz bergen herbiy özgirish bilen hoquqidin élip tashlanghan emeliyettiki dölet rehbiri we tashqi ishlar ministiri ang san suchining qollighuchiliri 16-aprél herbiy hakimiyetning qanunluq ikenlikini étirap qilmay «döletlik birleshme hökümiti» ni qurghan idi.