зәнгәнә: нифит чәккиләш орнидики от апити ишләпчиқиришқа тәсир йәткүзмиди

түркийә авази радийоси хәвири: иран нефит министири биҗән намдар зәнгәнә, түнүгүн пайтәхт теһранниң җәнубидики нефит айриш завутида йүз берип һазирғичә давамлишиватқан от апитиниң ишләпчиқиришқа зийан йәткүзмигәнликини билдүрди.

зәнгәнә иран таратқулириға теһранниң җәнубидики шәһид тондгуйан нефит айриш завутида йүз бәргән от апити тоғрисида байанат берип: «нефит айриш завутидики от апити ишләпчиқириш қисмида әмәс , бәлки икки амбарда йүз бәрди. ишләпчиқириш орунлири зийанға учримиди. от кәткән амбарларниң әтрапини соғутуш вә от өчүрүш хизмәтлири давамлишиватиду» деди.

нефит министири зәнгәнә, отниң икки амбардики һидро карбон түгәп болғучә давамлишишиниң мөлчәрлиниватқанлиқини сөзлиригә илавә қилди