йавропа иттипақи түркийә – мисир дийалогини  қизғин қарши алди

йавропа иттипақи кеңишиниң башлиқи чарлес мичел, түркийә билән мисир оттурисидики дийалогни қизғин қарши алидиғанлиқлирини билдүрди.

1650803
йавропа иттипақи түркийә – мисир дийалогини  қизғин қарши алди

түркийә авази радийоси хәвири: йавропа иттипақи кеңиши тәрипидин елан қилинған байанатта, йавропа иттипақи кеңишиниң башлиқи чарлес мичелниң мисир пирезиденти абдулфәттаһ әссиси билән телефонда көрүшкәнлики, телефон сөһбитидә, икки тәрәп мунасивәтлири, районлуқ мәсилиләр, шәрқий ақдеңизниң бихәтәрлики вә муқимлиқи қатарлиқ мәсилиләр  һәққидә музакирә елип берилғанлиқи әскәртилип мундақ дейилди: «йавропа иттипақи кеңишиниң башлиқи чарлес мичел, телефон сөһбитидә, шәрқий ақдеңизниң бихәтәрлики вә муқимлиқини қоғдашниң йавропа иттипақиға пайдилиқ икәнликини тәкитлиди, мисир билән түркийә оттурисидики дийалогни қизғин қарши алидиғанлиқини билдүрди.»

байанатта йәнә, йавропа иттипақи кеңишиниң башлиқи чарлес мичел билән мисир пирезиденти абдулфәттаһ әссисиниң телефон сөһбитидә, оттура шәрқ тинчлиқ мусаписи һәққидә музакирә елип барғанлиқи, исраилийә билән һамас оттурисида уруш тохтитиш келишими һасил қилиниши йолида көрсәткән тиришчанлиқлири үчүн, мичелинң мисирға миннәтдарлиқ билдүргәнлики, икки рәһбәрниң, ливийәдә муқимлиқ вә бирликниң ишқа ашурулушида йавропа иттипақи билән мисирниң ортақ мәнпәәти барлиқи мәсилисидә ортақ тонуш һасил қилғанлиқи, миллий бирлик һөкүмитини қоллашниң зөрүрлүкини тәкитлигәнлики қәйт қилинди.



مۇناسىۋەتلىك خەۋەرلەر